चलचित्र ‘जय हो’को ‘राजा–रानी’ सार्वजनिक

लेन्सनेपाल २०८० श्रावन १२

भदौ ८ गतेबाट प्रदर्शनमा आउने चलचित्र ‘जय हो’को गीत ‘राजा–रानी’ सार्वजनिक गरिएको छ । शुक्रबार एक कार्यक्रमका बीच सार्वजनिक गरिएको गीतमा सलोन बस्नेत र अभिनेत्री केकी अधिकारी प्रस्तुत छन् । प्रेमभावको गीतमा सागर आले मगर र सदिक्षा कट्टेलको स्वर छ भने सागर स्वयंको शब्द तथा संगीत छ ।

गीत रिलिज सकेर सलोन आज नै अष्ट्रेलिया जाँदै छन् । अष्ट्रेलिया चलचित्र रिलिजका लागि सलोन त्यसतर्फ लागेका हुन् । टेक पौरखी राईद्वारा निर्देशित चलचित्रमा केकी र सलोनसँगै माओत्से गुरुङ, निशा अधिकारी, अर्पण थापा, प्रेम पाण्डे, दिपा शाक्य श्रेष्ठ, सुवी मगर, सुमिन गुरुङ, सुशान्त श्रेष्ठको पनि अभिनय रहेको छ ।

शोभित बस्नेत प्रस्तुतकर्ता रहेको चलचिमा सम्राट बस्नेतको द्वन्द्व निर्देशन, कविराज गहतराज र रामजी लमिछानेको कोरियोग्राफी, बनिश शाहको सम्पादन र समीर मियाँको भीएफएक्स छ ।