‘सिक्रेट अफ राधा’को ‘पाउमा पाउजु’ सार्वजनिक

लेन्सनेपाल २०७९ श्रावन २
‘सिक्रेट अफ राधा’को ‘पाउमा पाउजु’ सार्वजनिक

चलचित्र ‘सिक्रेट अफ राधा’मा समावेश ‘पाउमा पाउजु’बोलको तिज गीत सार्वजनिक गरिएको छ । सार्वजनिक गीतमा सृजना खत्रीको शब्द, कालिप्रसाद बासकोटाको संगीत र सज्जा चौलागाई र स्वस्तिका ढकालको स्वर रहेको छ ।

कविराज गहतराजको कोरियोग्राफी रहेको गीतमा प्रियंका कार्की र श्रृष्टि केसीको नृत्य रहेको छ । प्रियंकाले यो चलचित्रको लागि यही गीतमा मात्र नृत्य गरेकी हुन् । गीत गत साता पशुपति वृद्धाश्रममा छायांकन गरिएको हो ।

भाद्र १० गतेबाट प्रदर्शन हुने चलचित्रमा सौगात मल्ल, सृष्टि श्रेष्ठ, खगेन्द्र लामिछाने, मेनुका प्रधान, पशुपति राई, दिव्य देव पन्त, पुस्कर गुरुङलगायत कलाकारको अभिनय छ । यस्तै दयाहाङ राई र निश्चल बस्नेत विशेष भूमिकामा देखिनेछन् ।

सुवर्ण थापा निर्देशित चलचित्रलाई निर्देशक थापा र अभिनेता मल्लले संयुक्त रुपमा निर्माण गरेका हुन् । चलचित्र आदियोगी भिजन, मन्डला अनलाइन, महारानी इन्टरटेन्मेन्ट र महा प्रोडक्सनको ब्यानरमा निर्माण भएको हो । चलचित्रमा नरेन्द्र मैनालीको छायांकन र कालीप्रसाद बाँस्कोटा संगीत रहेको छ ।