‘प्रेमगीत ३’मा यस्तो देखिए सुनिल थापा

लेन्सनेपाल २०७६ पौष १८

चलचित्र ‘प्रेमगीत ३’को अर्को क्यारेक्टर पोष्टर सार्वजनिक भएको छ । निर्माण टिमले अभिनेता सुनिल थापाको क्यारेक्टर पोस्टर सार्वजनिक गरेको हो ।

हाल चलचित्रको छायाँकन मनाङमा भइरहेको छ । सोही स्थानमा छायाँकन हुँदाकै बखतको क्यारेक्टर लुक्सलाई पोष्टरमा स्थान दिइएको हो । पोस्टरमा कलाकार थापाको अवतार प्रभावशाली लाग्छ । भारी हिउँ परिरहेको बेलामा उनि कुनै पदयात्राको लागि निस्किएको पोस्टरले वर्णन गर्छ । एक पोस्टरमा उनले पौराणिक बाजा बजाइरहेका छन् । जसले दर्शकमा कौतुहलता पैदा गर्न सक्छ ।

चलचित्रमा थापाको भुमिका कस्तो छ भन्ने बारे भने निर्माण पक्षले थप केही खुलाएको छैन । उनको भूमिका दर्शकलाई सरप्राइज सावित हुने निर्माता तथा निर्देशक सन्तोष सेनको विश्वास छ ।

दर्शकको लागि राम्रो चलचित्र पस्किन आफुहरुले मनाङको माइनस डिग्रीको चिसोमा मेहनतका साथ काम गरिरहेको सेनको भनाई छ ।