‘प्रसाद’ अष्ट्रेलियामा उच्च माग, ‘बेलायत प्रिमियर’ हुँदै
राजधानीका केही हलहरुमा पाँचौं हप्तामा प्रदर्शन भइरहेको चलचित्र ‘प्रसाद’को विदेशमा पनि प्रदर्शन जारी छ । बेलायतमा प्रसादको प्रिमियर गरिदै छ भने अमेरिका, अष्ट्रेलिया लगायत युरोपियन मुलुकहरुमा प्रसादको प्रदर्शन निरन्तर भइरहेको छ ।
नेपाल रिलिजकै दिन अष्ट्रेलिया प्रिमियर गरिएको चलचित्र प्रसादको माग उच्च भएपछि वितरक गोर्खे इन्टरटेनमेण्टले पूर्व निर्धारित शोहरु बढाएको छ । चलचित्रले चौतर्फि सकारात्मक प्रतिक्रिया पाइरहदा अष्ट्रेलियामा रहेका नेपालीहरु माझ यसको माग उच्च देखिएको हो । जसका कारण जनवरी १२ र १३ का लागि २ शो थप गरिएको छ । १२ जनवरीमा इभेण्ट सिनेमा, हस्र्टभिल सिड्नी र १३ जनवरीमा इभेण्ट सिनेमा, वरउड सिड्नीमा प्रसाद प्रदर्शन हुँदैछ ।
यस्तै जनवरी १२ मै बेलायतको अल्डरटसको प्रिन्सेस हलमा प्रसादको रेड कार्पेट प्रिमियर आयोजना गरिएको छ । प्रिमियरमा नायिका नम्रता श्रेष्ठ सहभागी हुँदैछिन ।
नम्रता श्रेष्ठ, विपिन कार्की, निश्चल बस्नेतलगायतका कलाकारको अभिनय रहेको चलचित्र प्रसादलाई दिनेश राउतले निर्देशन गरेका हुन । सुभाष थापाको निर्माण रहेको चलचित्रमा शुशिल पौडेलको लेखक, राजेश श्रेष्ठको छायाँकन, लोकेश बज्राचार्यको सम्पादन र सुभाष भुषालको संगीत रहेको छ । चलचित्र राजधानीका गुण सिनेमा, गोपीकृष्ण मुभिज, अष्टनारायण पिक्चर्समा पाँचौ हप्तामा प्रदर्शन भइरहेको छ ।
Latest Updates
New Releases (Chaitra 30)
-
Degree Maila M.A. 3rd Class
Director : Ram Babu Gurung
Casts : Dayahang Rai, Aanchal Sharma, Maotse Gurung, Prakash Ghimire, Buddhi Tamang -
The Red Suitcase
Director : Fidel Devkota
Casts : Saugat Malla, Shristi Shrestha, Bipin Karki, Prabin Khatiwada