दिनेश राउतको ‘प्रकाश’का लागि कलाकारको खोजी

लेन्सनेपाल २०७७ मंसिर २२

दिनेश राउतको निर्देशनमा बन्न लागेको चलचित्र ‘प्रकाश’का लागि कलाकारको खोजी गरिएको छ । मुख्य अभिनेताका रुपमा यस अघि नै प्रदिप खड्कालाई फाइनल गरेको निर्माण टिमले अन्य कलाकारको खोजी गरेको हो । यद्यपी काटिङ कलमा मुख्य अभिनेताको पनि खोजी गरिएको देख्न सकिन्छ ।

निर्माण टिमले १६ देखि १८ बर्ष उमेरकी नायिकाको खोजी गरिएको छ । यस्तै, २० देखि २२ बर्ष भित्रका नायकको पनि खोजी गरिएको छ । यस्तै, चरित्र अभिनेता, चरित्र अभिनेत्री, सहायक कलाकार(पुरुष र महिला), बाल कलाकार, सहयोगी कलाकार(पुरुष र महिला)को खोजी गरिएको छ ।

विकास सुवेदीको लेखन रहने चलचित्रको लागि कलाकारको अडिसन डिसेम्बर १५ देखि १७ तारिखसम्म अस्कर कलेज, सुकेधारमा आयोजना गरिनेछ ।

वेनिश इन्टरटेन्मेन्टको प्रस्तुतिमा तयार हुन लागेको ‘प्रकाश’मा दुर्गम भेगको एक पात्र मार्फत गम्भिर विषयको उठान गर्ने छन् । दुर्गम भेगको एक पात्रले देख्ने सपना माथी चलचित्रको कथा आधारित रहने छ ।