‘प्रेमा’को ‘फूल यो चुँडेर’ बोलको गीत सार्वजनिक

२०७९ चैत्र १
‘प्रेमा’को ‘फूल यो चुँडेर’ बोलको गीत सार्वजनिक

चलचित्र ‘प्रेमा’को ‘फूल यो चुँडेर’ बोलको गीत सार्वजनिक गरिएको छ । सार्वजनिक गीतमा एसडी योगीको स्वर, सबिन एकतारेको शब्द र सुशान्त गौतमको संगीत रहेको छ ।

चलचित्रको सार्वजनिक गीतमा शुभेक्षा खड्का, सृष्टि श्रेष्ठ र अरुण क्षेत्री फिचर्ड गीतमा अरुणले प्रेमको पीडा पोखेका छन् । गायन रियालिटी शो ‘सुर सितारा’मा यो गीत गाएर अरुणले प्रेम पीडा व्यक्त गरेको देखाइएको छ ।

गोविन्द सिंह भण्डारीको लेखन तथा निर्देशन रहेको चलचित्रमा अरुण, शुभेक्क्षा र सृष्टिका अलावा विमला केसी, हिउँवाला गौतम, पुरण जोशी, सबिन बास्तोला, रोशनी स्याङबो, प्रकाश बस्नेत, महान थापा, सुरेन्द्र बसेललगायतको अभिनय रहेको छ ।

आगामी चैत १७ मा रिलिज हुने चलचित्र बाघठाटा फिल्म फ्याक्ट्रीको व्यानरमा निर्माण भएको हो । निर्देशक भण्डारीले चलचित्रले त्रिकोणात्मक प्रेमकथा बोल्ने जनाएका छन् ।

चलचित्र ‘प्रेमा’ विवेक घिमिरे र गोविन्द सिंह भण्डारीले निर्माण गरेका हुन् । सामर्थ विक्रम थापाको कार्यकारी निर्माण रहेको चलचित्रमा सुशान्त गौतमको संगीत, सुशान्त, सबिन एकतारे र अनिल शर्माको गीत र महेश पौडेलको डीओपी छ ।

Mahajatra