चलचित्र ‘पासो’को ट्रेलर सार्वजनिक

लेन्सनेपाल २०७९ कार्तिक २७

चलचित्र ‘पासो’को ट्रेलर सार्वजनिक भएको छ । आइतवार एक कार्यक्रमका बीच सार्वजनिक गरिएको ट्रेलरमा अपहरणकारीको कब्जाबाट उम्कन दुई महिला पात्रले गरेको संघर्षलाई देखाइएको छ ।

मंसिरको १६ गतेबाट प्रदर्शनमा आउने जनाइएको चलचित्रमा रिश्ता बस्नेत, सुनिशा बजगाई, रामकुमार बास्ताकोटी, प्रतिक दुलाल, प्रनव आकाश, ऋतिक दुलाल, गीता थापालगायतको अभिनय रहेको छ ।

आर.बी पुनको निर्देशन रहेको चलचित्रमा उनकै कथा, पटकथा र संवाद रहेको छ । भगवान भुजेल निर्माता रहेको चलचित्रको कार्यकारी निर्माता राजकुमार राउत, सहनिर्मातामा बसन्त घिमिरे, अनु मुस्कान, अनुराग ढुंगाना र सरस्वती गुरुङ छन् ।