दुई गीत बाँकी राख्दै ५६ दिनमा सकियो ‘परिवर्तन’को छायाङ्कन

लेन्सनेपाल २०८२ श्रावन २१

चलचित्र ‘परिवर्तन’को दुई गीत बाहेकको छायाङ्कन ५६ दिनमा सम्पन्न भएको छ । निर्माता दीपक सिवाकोटीका अनुसार अब चलचित्रमा समावेश गरिने एक राष्ट्रिय गीत र एक लोकगीतको मात्र छायाङ्कन बाँकी छ ।

चलचित्रको छायाङ्कन झापाका विभिन्न स्थानहरू बुद्धशान्ति गाउँपालिका, कचनकवल गाउँपालिका, भद्रपुर नगरपालिका, अर्जुनधारा नगरपालिका, कन्काईमाई नगरपालिका, बिर्तामोड, मेचीनगर नगरपालिका सहित पूर्वी नेपालको प्रमुख सहर विराटनगरमा गरिएको हो ।

विजय केरुङको निर्देशन रहेको चलचित्रमा सुशील श्रेष्ठ, अञ्जना बराइली, गौतम तिवारी सूर्यवंशी, बुद्धि तामाङ, करिश्मा मानन्धर, आशा पौडेल, सुवास मेचे, पुकार भट्टराई, हेमन्त बुढाथोकी, आएशा कार्कीलगायतका कलाकारको अभिनय छ ।

दिब्यासी फिल्म्स प्रा.लि.को ब्यानरमा निर्माण भएको चलचित्रले नेपालको सिमाना सुरक्षा, भ्रष्टाचारको जालो, तथा गरिब, दुःखी र असहाय जनताको पीडालाई कथानकमार्फत उजागर गर्ने बताइएको छ ।

निर्माता सिवाकोटीले नै चलचित्रको मूल कथा लेखेका हुन् भने यसको पटकथा तथा संवाद शिवम अधिकारीले तयार पारेका हुन् । चलचित्रमा प्रोडक्सन हेडको भूमिकामा अरुण रेग्मी छन् भने छायाङ्कन निर्देशन शिव ढकालले, सम्पादन बन्दे प्रसादले र द्वन्द्व निर्देशन श्री श्रेष्ठले गरेका छन् ।