मृगौला प्रत्यारोपण गरेकी कलाकार पल्पसा डंगोललाई २ लाख सहयोग

लेन्सनेपाल २०७८ चैत्र ३

मृगौला प्रत्यारोपण गरि स्वास्थ्य लाभ गरिरहेकी कलाकार पल्पसा डंगोललाई चलचित्रकर्मी कल्याणकारी कोषका तर्फबाट २ लाख प्रदान गरिएको छ ।

नेपाल चलचित्र कलाकार संघकी सदस्य रहेकी डंगोललाई संघकै सिफासिरमा कोषले उक्त रकम सहयोग गरेको हो । डंगोलको उपचारमा सहयोग होस् भन्ने उद्देश्यले उक्त रकम प्रदान गरिएको कोषकी संयोजक बसुन्धरा भुषालले बताएकी छिन । कोषकी संयोजक भुषालले डंगोलले कला क्षेत्रमा पुर्याएको योगदानको सम्मानका लागि उक्त रकम उपलब्ध गराएको बताएकी छिन ।

फागुन २५ गते शिक्षण अस्पताल महाराजगञ्जमा डंगोलको मृगौला प्रत्यारोपण गरिएको थियो । हाल अस्पतालमै स्वास्थ्य लाभ गरिरहेकी डंगोललाई सहयोग रकम उपलब्ध गराउन कोषकी संयोजक भुषाल सहित कलाकार संघका अध्यक्ष रबिन्द्र खड्का, प्राबिधिक संघका अध्यक्ष पुष्कर लामा, कोषका सदस्य बसन्त रिजाललगायत पुगेका थिए ।

चलचित्र बिकास बोर्ड अन्र्तगतको चलचित्रकर्मी कल्याणकारी कोषमा हाल झण्डै ४ करोड रुपैयाँ मौजुदा रहेको समेत भुषालले जनाएकी छिन । सोही रकमबाट सम्बन्धित संस्थाको सिफारिसमा चलचित्रकर्मीलाई सहयोग प्रदान गर्ने गरिन्छ ।