चलचित्र ‘नरसिंहाः अवतार’को शुभ मुहूर्त

लेन्सनेपाल २०८१ असोज ११

चलचित्र ‘नरसिंहाः अवतार’को शुभ मुहूर्त गरिएको छ । बिहीवार काठमाडौंको एनएफडिसि स्टुडियो बालाजुमा सम्पन्न गरिएको हो ।

दिवाकर भट्टराईले निर्देशन गर्ने चलचित्रमा राजेश हमाल, राज कटुवाल, नीति शाह, सरोज खनाल, सनिशा भट्टराई, दीपा शाही, प्रशान्त ताम्राकार, नीर शाह, रमेश चन्द सोडारी, प्रकाश कुँवरलगायतका कलाकारहरुको अभिनय रहनेछ ।

एक्सन तथा सोसल ड्रामामा निर्माण हुने चलचित्रको मुहूर्तसँगै छायाँकन पनि थालिएको छ । निर्माता नरेन्द्र महर्जनले फागुन १४ गते शिवरात्रीलाई प्रदर्शन मिती घोषणा गरेको समेत जनाएका छन् ।

ठूलो पर्दाको चलचित्रमा ८ वर्षपछि हमालले कमब्याक गर्दैछन् । त्यस्तै, अभिनेता खनाल र हमालले ३० वर्षपछि एउटै चलचित्रमा काम गर्दैछन् ।