प्रिमियरमा ‘नाङ्गो गाउँ’ले पायो तारिफ नै तारिफ

चलचित्र ‘नाङ्गो गाउँ’को प्रिमियर गरिएको छ । बुधबार बेलुकी राजधानीको सितापाइला स्थीत सिके सिनेमाज्मा चलचित्रको प्रिमियर गरिएको हो । प्रिमियरमा पुगेका चलचित्रकर्मी र मिडियाकर्मीले चलचित्रको बिषयवस्तुको तारिफ गरेका छन् ।
दीपेन्द्र लामाको लेखन तथा निर्देशनमा तयार भएको चलचित्रको प्रिमियरमा निर्देशक नरेश पौडेल, दीपाश्री निरौला, कलाकार जितु नेपाल, नायक कुन्साङ बोमजम लगायत पुगेका थिए । प्रिमियरमा पुगेका अधिकांशले यसले देखाउन खोजेको बिषयवस्तुलाई आम दर्शकले हेर्नुपर्ने बताए ।
प्रिमियरमा पुगेका गायक राजेश पायल राइले सामाजिक संजालमार्फत चलचित्रको तारिफ गरेका छन् । उनले, एउटा उत्कृष्ट चलचित्र आफूले हेर्न पाएको र आम मानिसले यो चलचित्र हेर्नुपर्ने तर्क गरे ।
यस्तै, निर्देशक दीपाश्री निरौला, कलाकार जितु नेपाल, निर्देशक नरेश पौडेल लगायतले पनि फिल्मको बिषयवस्तु शक्तिशाली रहेको बताए । चलचित्रले निर्वाचनमा भोट दिनु अगाडि सय पटक सोच्न जनतालाई सचेत गराएको उनीहरुको भनाई थियो । यस्तै, नायक कुन्साङले चलचित्रलाई शत प्रतिशत रेटिङ दिने भन्दै एउटा राम्रो कथामा चलचित्र हेरेको बताए ।
प्रिमियरमा चलचित्रका मुख्य कलाकारहरु दयाहाङ राई, मिरुना मगर र साम्राज्ञी राज्यलक्ष्मी शाह पनि पुगेका थिए । उनीहरुले प्रिमियरमा पाएको प्रतिक्रियाले उत्साहित भएको तर्क गरे । हिमाल कडरिया प्रस्तुतकर्ता रहेको यो चलचित्रमा जय श्रेष्ठको लगानी छ भने चलचित्रका कार्यकारी निर्माता रामहरि श्रेष्ठ हुन् ।
चलचित्रमा आलोक शुक्लाको डीओपी, बनिष शाहको सम्पादन, रामजी लामिछानेको कोरियोग्राफी, सुशान्त गौतम र दीपक शर्माको संगीत छ । प्रिमियरमा पाएको प्रतिक्रियाले आफूहरु निकै उत्साहित भएको निर्देशक दीपेन्द्र लामाले बताए । यसअघि पनि सामाजिक कथामा नै चलचित्र निर्देशन गर्दै आएका लामाले यसपटक जनतालाई सचेत गराउने काम चलचित्रमार्फत गरेका छन् ।
Latest Updates
New Releases (Jestha 2)
-
Ke Ghar Ke Deraa : Ghar No 2
Director : Dipendra K. Khanal
Casts : Khagendra Lamichhane, Aaryan Sigdel, Nischal Basnet, Keki Adhikari, Upasana Singh Thakuri -
Hello Kashi Ram
Director : Rim Bishwakarma
Casts : Dilip Rayamajhi, Nawajyoti Rasaili, Umesh Rai, A. Gurung, Laxmi Bhusal
Next Releases (Jestha 9)
-
Narashimha Avatar
Director : Diwakar Bhattarai
Casts : Rajesh Hamal, Niti Shah, Raj katuwal, Sanisha Bhattarai, Saroj Khanal