सत्य र लक्ष्मीको ‘नलाएको माया’ सार्वजनिक

लेन्सनेपाल २०७६ असोज ६

गलकार सुविद गुरागाईंको गजल एल्बम ‘नलाएको माया’ लोकार्पण गरिएको छ । राजधानीमा आयोजित एक कार्यक्रमका बिच एल्वम लोकार्पण गरिएको हो ।

सो अवसरमा शिर्ष गजल ‘नलाएको माया’ को भिडियो समेत सार्वजनिक गरिएको छ । उक्त गजलमा सुविद गुरागाईंको शव्द, दिपक शर्माको संगीत र सतयराज आचार्यको स्वर रहेको छ । गजलको भिडियोमा गायक सत्यराज आचार्य, अभिनेत्री लक्ष्मी वर्देवा र मोडल जोर्डन राजभण्डारीको अभिनय रहेको छ । भिडियोलाई निकेश खड्काले निर्देशन गरेका हुन् ।

माता परिवारको निर्माणमा तयार पारिएको उक्त गजल एल्बम माता इन्द्रमाया पौडेल, अग्रज गलकार बुँद राना, अग्रज गीतकार तथा कवि दिनेश अधिकारी, गजलकार रवि प्राञ्जल र राष्ट्रियसभा सदस्य विमला पौडेलले लोकार्पण गरेका हुन् । कार्यक्रममा वरिष्ठ गायक उदय सोताङ, गायक–गायिकाहरू सञ्जीव धिमाल, निरा रानाभाट, बबिना भट्टराई, अस्मिता अधिकारी, श्रेय अगस्तीले गजलकार गुरागाईंका शब्दहरूमा प्रत्यक्ष गायन प्रस्तुत गरेका थिए ।