Mahajatra

चलचित्र ‘नालापानी’ को टिजर सार्वजनिक, भिएफएक्सको अधिक प्रयोग

२०७५ असोज ११
चलचित्र ‘नालापानी’ को टिजर सार्वजनिक, भिएफएक्सको अधिक प्रयोग

चलचित्र ‘नालापानी’ को टिजर सार्वजनिक भएको छ । बिहीवार राजधानीमा आयोजित एक कार्यक्रमका बीच टिजर सार्वजनिक गरेको हो । टिजर हेर्दा चलचित्रमा भिएफएक्सको अधिक प्रयोग गरिएको देखिन्छ ।

नालापानी गढीमा भएको अंग्रेज र नेपाल बिचको युद्धमा नेपाली फौजका तर्फबाट कप्तानी गरेका वीर बलभद्र कुँवरले लडेको ऐतिहासिक लडाईंलाई आधार बनाएर यो चलचित्र निर्माण गरिएको जनाइएको छ ।

रिमेश अधिकारी निर्देशित चलचित्रको लेखन रिमेश अधिकारी र कृष्ण आचार्यले गरेका हुन् । चलचित्रलाई मनोज शाक्यले निर्माण गरेका हुन । चलचित्रमा देशभक्त खनाल, अर्जुनजंग शाही, सन्तोष पन्त, मनोज शाक्य, बिशाल पहारी, बिजय बिष्फोट, पुजना प्रधान, गीता अधिकारी, महाविर विश्वकर्मा, ईशान बिजु श्रेष्ठ, हिक्मत थपलिया, जनक बर्तौला, विशाल श्रेष्ठलगायतका कलाकारहरुको अभिनय छ ।

बिपिन मल्लले सम्पादन तथा अच्युत गजुरेल र बसन्त खत्री मगरले भिएफएक्स गरेको यस चलचित्रलाई रामशरण उप्रेतीले छायांकन गरेका हुन् । प्राचार्य रामराजा कुँवर र प्रा. डा. धन बहादुर कुँवरले लेखेको ऐतिहासिक पुस्तक ‘वीर बलभद्र कुँवर’ मा ‘नालापानी’ आधारित छ ।