गायक मुरलीधर सिरहा २ मा राप्रपाका उमेदबार

लेन्सनेपाल २०७९ असोज २३

चर्चित गायक तथा कलाकार मुरलीधरले सिरहा क्षेत्र नम्बर २ मा उम्मेदवारी दिने भएका छन् । मुरलीधरले राष्ट्रिय प्रजातन्त्र पार्टी (राप्रपा)बाट उमेदबारी दिन लागेका हुन् ।

सिरहा क्षेत्र नम्बर २ का लागि राप्रपा सिरहा जिल्ला अध्यक्ष शम्भुप्रसाद यादव र क्षेत्रीय अध्यक्ष नयनबहादुर मोक्तानबाट टिकट पाएको गायक मुरलीधरले जानकारी दिएका हुन् ।

सिरहाको औरही गाउँपालिका‌–५ निवासी उनी लामो समयदेखि मुम्बईमा बस्दै आएका थिए । मुरलीधर केही समय अघि मात्रै राप्रपामा प्रवेश गरेका थिए ।

उनका ‘‘उडायो सपना सबै हुरीले’, ‘निष्ठुरीले माया गरी आफैंलाई रोगी बनायो’ जस्ता दर्जनौं गीत हिट छन् ।