चलचित्र ‘फिदा’को ‘तिमी तिरै तान्यो मायाले’ सार्वजनिक

लेन्सनेपाल २०७८ पौष ८

चलचित्र ‘फिदा’मा समाबेश ‘तिमी तिरै तान्यो मायाले’ बोलको गीत सार्वजनिक गरिएको छ । सार्वजनिक गीतमा नित्याशिवा र बावुल गिरीको स्वर, शंकर अधिकारी घायलको शब्द र राजेन्द्र श्रेष्ठको संगीत रहेको छ ।

शंकर अधिकारी घायलको लेखन तथा निर्देशन रहेको चलचित्रको गीतमा कलाकारहरु राजु पौड्याल र दिप्ती लामिछानेले अभिनय गरेका छन् ।

मोहन गमालको प्रस्तुति रहेको चलचित्रमा राजु पौड्याल, दीप्ति लामिछाने, प्रवेश लिम्बू, प्रतिभा राई, राजन महर्जन, प्रेमा मगर र सरोज शिवले अभिनय गरेका छन् ।

चलचित्रमा विश्वास भण्डारीको छायांकन, राजन महर्जन को नृत्य, राजु किराँतको द्वन्द्व, विश्वास भण्डारी र अञ्जलि थापाको सम्पादन रहेको छ ।