सेड्रिना अभिनित भिडियो ‘मेरी आमा’ सार्वजनिक

लेन्सनेपाल २०७५ पौष १

‘मेरी आमा’ बोलको गीतको भिडियो सार्वजनिक गरिएको छ । बिकाश सुबेदीको निर्देशनमा तयार भएको भिडियोमा नाइ न भन्नु ल ५ डेव्यु बाल कलाकार सेड्रिना शर्मा र अभिनेत्री लक्ष्मी गिरीको अभिनय रहेको छ । शर्मा र गिरी आमा छोरीको भुमिकामा देखिएका छन् ।

प्रलाद शाहको शब्द रहेको गीतमा मेलीना राईको स्वर र नबिन कार्कीको संगीत रहेको छ । प्रलाद शाहले नै भिडियो निर्माण गरेका हुन । म्युजिक भिडियो मनोरञ्जनका लागि मात्र नभएर सामाजिक न्यायमा पनि केन्द्रित हुन सक्छन् भनेर सोही अनुरुप यसको कथा बुनिएको निर्देशक सुबेदीले जनाएका छन् । भिडियोले बलात्कार वा भनौं नारी हिंसा बिरुद्ध आवाज बोलेको छ । भिडियोमा अनिल के मानन्धरको छायाँकन र सुप्रिम पराजुलीको सम्पादन रहेको छ ।