थिम पोस्टर सार्वजनिक गर्दै ‘मैना’ निर्माणको घोषणा

लेन्सनेपाल २०८२ बैशाख ३

चलचित्र ‘मैना’ निर्माणको घोषणा गरिएको छ । बुधबार थिम पोस्टर सार्वजनिक गर्दै चलचित्र निर्माणको घोषणा गरिएको हो । थिम पोस्टरले क्राइम थ्रिलर चलचित्रको संकेत गरेको छ ।

चलचित्रलाई चन्द्र कुमार भट्टराईले निर्देशन गर्नेछन् । यो उनको डेब्यु निर्देशकीय चलचित्र हुनेछ । भट्टराईले यसअघि समर लभ, मारूनी, राजा रानी, सेतो बाघ लागायत दर्जन चलचित्रमा मुख्य सहायक निर्देशनको रुपमा काम गरिसकेका छन् ।

सुस्मिता फिल्मसको प्रस्तुति रहने चलचित्रका निर्माता राजेन्द्र ढकाल (राहुल) र विनिता शर्मा हुन् भने सहनिर्मातामा रेनु शर्मा र सुस्मा खतिवडा रहनेछन् ।

भदौबाट छायाँकन हुने चलचित्रलाई गोविन्द मल्लले लेखेका छन् । चलचित्रका कलाकार तथा प्राबिधिकहरु भने सार्वजनिक गरिएको छैन ।