चलचित्र ‘महाजात्रा’ प्रदर्शनमा, सुखद ओपनिङ

लेन्सनेपाल २०८० चैत्र ९

आजबाट चलचित्र ‘महाजात्रा’ प्रदर्शनमा आएको छ । मल्टीप्लेक्सहरुमा उच्च शोज पाएको चलचित्रको चलचित्रको ओपनिङ ब्यापार सुखद छ । अक्सर शोहरु हाउस फूल छन् भने बाँकी हलमा पनि अकुपेन्सी सुखद छ । प्रदर्शनपूर्व नै केही मल्टीप्लेक्सहरुमा शो ‘सोल्डआउट’ भइसकेका छन् भने एड्भान्स बुकिङ पनि उत्साहजनक छ ।

विदेश राइट्स र डिजिटल राइट्सबाट लगानी उठाइसकेको चलचित्रले हलमा गरेको ब्यापार खुद मुनाफा हुने बताइएको छ । आइतबार पहाडी र सोमबार तराई क्षेत्रमा होलीको विदा पर्दा चलचित्रले ३ दिनको सार्वजनिक विदाको लाभ समेत उठाउन पाउने छ ।

प्रदीप भट्टराईको निर्देशनमा बनेको चलचित्रमा हरिवंश आचार्य, विपिन कार्की, रविन्द्र सिंह बानियाँ, रविन्द्र झा, वर्षा राउत, दिव्यदेव, राजाराम पौडेल, शिशिर वाङ्गदेल, प्रकाश घिमिरे, अर्जुनजंग शाही, मोहन निरौला लगायतको अभिनय छ ।