मह जोडीलाई चैत्यदेवी सिंह पुरस्कार

लेन्सनेपाल २०७७ श्रावन २९

भुवन चैत्य बसुन्धरा फाउण्डेसनले अर्पण गर्ने यस बर्षको चैत्यदेवी सिंह पुरस्कार पुरस्कार महजोडीलाई प्रदान गरिएको छ ।

५१ हजार रुपैयाँ राशि सहितको उक्त पुरस्कार राजधानीमा एक कार्यक्रमको बीचमा प्रदान गरिएको हो । फाउन्डेसनकी अध्यक्ष बसुन्धरा भुसालको अध्यक्षतामा भएको उक्त कार्यक्रममा विशिष्ट अतिथि नेपाल चलचित्र कलाकार संघका अध्यक्ष रविन्द्र खड्का लगायत फाउन्डसेनका सम्पूर्ण कार्यसमिति र एकाध संचारकर्मीको उपस्थिति थियो ।

कोभिड–१९ कोरोनाको संक्रमण बढिरहेको अबस्था भएकाले पुरस्कार अर्पणको कार्यक्रम ठूलो जमघट नगरी आयोजना गरिएको थियो । मह जोडीलाई कलाकार संघका अध्यक्ष रविन्द्र खड्काले रुद्राक्षको माला लगाइदिएका थिए भने भुवन–हरिष चन्दले दोसल्ला ओढाएर सम्मान गरिएको छ ।