चलचित्र ‘माछा माछा’को गीत सार्वजनिक

लेन्सनेपाल २०७६ मंसिर ३

चलचित्र ‘माछा माछा’को गीत सार्वजनिक गरिएको छ । सार्वजनिक ‘म्याडम म्याडम’ बोलको गीतमा अनुपम शर्माको संगीत र स्वर रहेको छ ।

सृष्टि श्रेष्ठ, सौगात मल्ल, विजय बराल, अनोज पाण्डेलगायतका कलाकारका्े नृत्य रहेको गीतलाई प्रविण सिंहले कोरियोग्राफी गरेका हुन् ।

सुनिल गुरुङको लेखन तथा निर्देशन रहेको चलचित्रले तीन जना गाउँले युवकहरुले शहरिया जीवन स्थापित गर्न लागिपरेको संघर्षको भन्ने छ । चलचित्रमा माओत्से गुरुङ, प्रविण खतिवडा, सरिता गिरी, भोलाराज सापकोटा, पुस्कर गुरुङ, कमलमणि नेपाल, धुर्व कोइराला, बसन्त भट्टलगायतका कलाकारको पनि अभिनय छ ।

रामबाबु गुरुङ र दयाहाङ राईको निर्माण रहेको चलचित्रमा शिवराम श्रेष्ठको छायाँकन, अनुपम शर्माको संगीत, निमेष श्रेष्ठको सम्पादन र प्रविण सिंहको कोरियोग्राफी रहेको छ । चलचित्रका कार्यकारी निर्माता मणिराम पोखरेल हुन भने ओम चन्द रौनियार र अर्जुन कार्की सहनिर्माता हुन।

चलचित्र मंसिर २० गतेबाट प्रदर्शन हुनेछ ।