प्रदर्शन मिति तय गर्दै ‘माछा माछा’को पोष्टर सार्वजनिक

लेन्सनेपाल २०७६ आषाढ ३१

प्रदर्शन मिति तय गर्दै चलचित्र ‘माछा माछा’को पोष्टर सार्वजनिक गरिएको छ । मंगलबार निर्माण पक्षले चलचित्रको पोस्टर सार्वजनिक गर्दै कार्तिक १२ गतेबाट चलचित्र प्रदर्शन हुने जानकारी दिएको हो ।

सुनिल गुरुङको लेखन तथा निर्देशन रहेको चलचित्रले तीन जना गाउँले युवकहरुले शहरिया जीवन स्थापित गर्न लागिपरेको संघर्षको कथा भन्ने छ । चलचित्रमा सौगात मल्ल, विजय बराल, अनोज पाण्डे, माओत्से गुरुङ, प्रवीण खतिवडा, नम्रता श्रेष्ठ, पुस्कर गुरुङ, कमलमणि नेपाल, भोलाराज सापकोटा, सरिता गिरी, धुर्व कोइराला, बसन्त भट्ट लगायतका कलाकारको अभिनय रहेको छ ।

मणिराम पोखरेल कार्यकारी निर्माता रहेको चलचित्र सिनेमा आर्ट र नौमती इन्टरटेनमेन्टको व्यानरमा निर्माण भएको हो । चलचित्रमा रामबाबु गुरुङ र दयाहाङ राईको लगानी छ । सहनिर्मातामा ओमचंद्र रौनियार र अर्जुन कार्की छन् । चलचित्रमा अनुपम शर्माको संगीत, निमेष श्रेष्ठको सम्पादन, आनन्द महर्जनको पोस्टर डिजाइन, शिवराम श्रेष्ठको छायाँकन र निर्देशक गुरुङको लेखन छ ।