चलचित्र ‘म’को ट्रेलर सार्वजनिक

लेन्सनेपाल २०७९ श्रावन ६
चलचित्र ‘म’को ट्रेलर सार्वजनिक

चलचित्र ‘म’को ट्रेलर सार्वजनिक भएको छ । बिहीवार राजधानीमा आयोजित एक कार्यक्रमका बिच चलचित्रको ट्रेलर सार्वजनिक गरिएको हो ।

सार्वजनिक २ मिनेट १९ सेकेन्ड लामो ट्रेलर सस्पेन्स शैलीमा तयार पारिएको छ । विरामीको रुपमा अस्पताल छिरेको एक पात्रको अपराधिक घटनासँगको कनेक्सनमा चलचित्र आधारित रहेको ट्रेलरबाट अनुमान लगाउन सकिन्छ ।

साउन २० गतेबाट प्रदर्शनमा आउने चलचित्रलाई सुवर्ण थापाले निर्देशन गरेका हुन् । चलचित्रमा सरोज खनाल, निशा अधिकारी, रुविना थापा, निराजन प्रधान, सविन श्रेष्ठ, नरेन खड्का, सरिता लामिछाने, पुनम श्रेष्ठ, संजोग रसाइली लगायतको अभिनय छ ।
 
कान्तिपुर सिनेमाजको प्रोडक्सन र कान्तिपुर फिल्म एकेडेमीको प्रस्तुतिमा निर्माण भएको चलचित्रका निर्माता बिमला हुमागाईं र पदम पुरी हुन् भने क्रियटिभ प्रोड्युसर प्रकाश पुरी हुन् । चलचित्रको पटकथा तथा संवाद पुरीकै हो ।

चलचित्रमा तेन्जिङ्ग पाल्देनको छायांकन र बनिश शाहको सम्पादन रहेको छ ।