‘लभ डायरीज’को टिजर सार्वजनिक

लेन्सनेपाल २०७६ माघ १

चलचित्र ‘लभ डायरीज’को टिजर सार्वजनिक गरिएको छ । टिजरमा मुख्य कलाकार सुशील श्रेष्ठ र रुबिना थापालाई मात्र स्थान दिइएको छ । दुई बीचको प्रेम, रोमान्स र विछोडका दृश्य टिजरमा अटाएका छन् ।

प्रेमकथाको यो चलचित्र प्रणय दिवस अर्थात फागुन २ गतेबाट प्रदर्शन हुँदैछ । सौरभ चौधरीको निर्देशन रहेको चलचित्रमा सञ्जय लामाको छायाँकन, मिलन श्रेष्ठको सम्पादन, मधु बास्तोलाको कथा, निर्देशक चौधरी र बास्तोलाको पटकथा तथा संवाद रहेको छ । चलचित्रमा सुशील श्रेष्ठ र रुविना थापाका अलवा विश्वजीत रिमाल, विशाल पहारी, विष्णु सापकोटा, अर्जुनजंग शाही लगायतका कलाकारको अभिनय रहेको छ ।

चलचित्रलाई विनोद सापकोटाले निर्माण गरेका हुन् भने सहनिर्माताको रुपमा सरोज तुलाधर रहेका छन् । साहिल खान चलचित्रका एसोसियट निर्देशक हुन् ।