भ्यालेण्टाइन डे मा शुशिलको ‘लभ डायरिज’

लेन्सनेपाल २०७६ कार्तिक २५

चलचित्र ‘लभ डायरिज’को प्रदर्शन मिति सार्वजनिक गरिएको छ । यसअघि पनि प्रदर्शन मिति तय भएर स्थगित भएको चलचित्र अब भने भ्यालेन्टाइन डेको अवसर पारी फागुन २ गतेबाट प्रदर्शनमा आउने भएको छ ।

आइतबार चलचित्रको इण्डक्ल्याप गर्दै नयाँ रिलिज मिति सार्वजनिक गरिएको हो । हायात होटल परिसरमा एक गीतको छायाँकन सँगै चलचित्रको इण्ड क्ल्याप गरिएको हो । गीतमा कलाकारहरु सुशील श्रेष्ठ, रुबिना थापा, विश्वजित रिमालसँगै प्रिष्मा र प्रिन्सी खतिवडा र कमला घिमिरेको नृत्य रहेको छ । टिकटकबाट चर्चामा आएका प्रिष्मा र प्रिन्सीले यसै चलचित्रको गीतबाट ठुलो पर्दामा डेव्यु गरेका हुन् । गीतमा अर्जुन पोखरेलको शब्द र संगीत र दुर्गा खरेल, सुरेश लामा र कमला घिमिरेको स्वर छ । भिडियोको कोरियोग्राफी प्रविण सिंहले गरेका हुन् ।

सौरभ चौधरीको निर्देशन रहेको चलचित्रमा संजय लामाको छायाँकन, मिलन श्रेष्ठको सम्पादन, मधु बास्तोलाको कथा र पटकथा रहेको छ । विनोद सापकोटा निर्माता रहेको चलचित्रका सह निर्माता सरोज तुलाधर हुन् ।