चलचित्र ‘लाइफ इन एलए’ प्रदर्शन

लेन्सनेपाल २०७९ जेष्ठ ६

चलचित्र ‘लाइफ इन एलए’ आज शुक्रवारबाट प्रदर्शनमा आएको छ । विभिन्न शिलशिलामा अमेरिका पुग्ने नेपालीको कथामा निर्माण भएको चलचित्रलाई सूर्य एन श्रेष्ठले निर्देशन गरेका हुन् ।

ब्यास बिस्सु, अकेशा विष्ट, शिल्पा मास्के, गौरव पहारी, बुद्धि तामाङ, प्रकाश घिमिरे, लोकेन्द्र लेखक, अमेरिकामा बसोबास गर्ने जारेड बिलप्स, साम भुजेल, जयन्द्र चिलुवाललगायतको अभिनय रहेको चलचित्रको अमेरिकामा ७० प्रतिशत र नेपालमा ३० प्रतिशत सुटिङ भएको हो ।

चलचित्रलाई अभिनेता ब्यास आफैंले निर्माण गरेका हुन् । यो उनको पहिलो निर्माण अनुभव हो । नेपाल रिलिज अघि अमेरिकामा गरिएको प्रदर्शनबाट चलचित्रको ८० प्रतिशत लगानी उठिसकेको निर्माण टिमले जनाएको छ ।