चलचित्र ‘लक्ष्मी पूजा’को गीत ‘जिन्दगी’ सार्वजनिक

लेन्सनेपाल २०७७ असोज १२

यही दशैंमा चलचित्र प्रदर्शनको अनुमति पाए हलमा नत्र डिजिटल प्लेटफर्ममा प्रदर्शन हुने तयारीमा रहेको चलचित्र ‘लक्ष्मी पूजा’को गीत ‘जिन्दगी’ सार्वजनिक भएको छ । माण्डवी त्रिपाठीको स्वर रहेको गीतमा दयाराम पाण्डेको शब्द र विपिन आचार्यको संगीत छ । गीतमा अस्मिता जुरेली, जयकिशन बस्नेत, नीर शाहलगायत फिचर्ड छन् ।

सलोन सलिना फिल्मस्को व्यानरमा निर्माण भइरहेको चलपचत्रमा समिर मियाँको निर्देशन रहेको छ । शोभित बस्नेतको निर्माण रहेको चलचित्रमा जयकिशन बस्नेत, जाहान्वी बस्नेत, अस्मिता जुुरेली, नीर शाहलगायतका कलाकारको अभिनय रहेको छ । चलचित्रमा सलोन बस्नेत र रियाशा दाहाल विशेष भूमिकामा देखिँदैछन् ।

निर्माता शोभितका अनुसार जाहान्वीको शीर्ष भूमिका रहेको चलचित्रमा उनी दोहोरो भूमिकामा देखिँदैछिन् ।चलचित्रमा केदार भुषालको लेखन, रामजी लामिछानेको कोरियोग्राफी र जयकुमार दर्लामीको छायांकन रहेको छ ।