English

‘लक्का जवान’को शिर्ष गीत सार्वजनिक

लेन्सनेपाल २०७६ माघ २

चलचित्र ‘लक्का जवान’को शिर्ष गीत सार्वजनिक गरिएको छ । सार्वजनिक गीतमा डिपी खनालको शब्द, बाबुल गिरीको संगीत, बाबुल गिरी र मिना निरौलाको स्वर रहेको छ ।

कविराज गहतराजले कोरियोग्राफी गरेको गीतमा चलचित्रका लगभग सबै कलाकारहरुको नृत्य रहेको छ । गीतमा सरोज खनाल, दीलिप रायमाझी, प्रियंका कार्की, सलोन बस्नेत, वर्षा सिवाकोटी, शिवहरी पौड्याल, किरण केी, शुशिल पोखरेल, जयनन्द लामा, सबिता गुरुङ, अन्जु महर्जनलगायतका कलाकारको नृत्य रहेको छ ।

हाँस्य कलाकार शिवहरी पौड्यालको डेब्यु निर्देशन रहेको चलचित्रमा उनकै कथा, पटकथा र सम्बाद रहेको छ । किरण केसी, शिवराम पौड्याल र दीलिप रायमाझीको निर्माण रहेको चलचित्रमा पुषोत्तम प्रधानको छायाँकन र मित्र डी गुरुङको सम्पादन छ । चैत २१ गतेबाट प्रदर्शनमा आउने चलचित्रको निर्माता अन्सुया श्रेष्ठ ओन्ता र सहनिर्मातामा सुशील अर्याल, डेजी अर्याल, राजाराम पौडेल, राज केसी, सुरेन्द्र केसी र दीपेन्द्र खनियाँ रहेका छन् ।