कुईनेटोको दोश्रो गीत जलेको जल्यै छ सार्वजनिक

लेन्सनेपाल २०७८ कार्तिक २३

चलचित्र कुईनेटोको दोश्रो गीत जलेको जल्यै छ यो मन सार्वजनिक भएको छ । सार्वजनिक गीतमा पुरुषोत्तम लोहानीको शब्द, अनिल विरहीको संगीत र राज सागरको स्वर रहेको छ ।

कमला जोशीको प्रस्तुती रहेको चलचित्रलाई माधव खरेलले निर्देशन गरेका हुन् । निर्देशक खरेलकै लेखन रहेको चलचित्रमा श्रीदेव भट्टराई, सानिया खान, श्रीजु अधिकारी, केशव सापकोटा, मनिराज लिम्बु, नवराज रिमाल, गंगा भुजेल, मोतीराम जैशी, सिद्धान्त क्षेत्री, साहिल चौधरी, दिपेश जैसी लगायतका कलाकारहरुको अभिनय रहेको छ । चलचित्रमा किरण दाहालको द्धन्द, रुपेश उप्रेतीको नृत्य, जनकराज अधिकारी र जीवन पराजुलीको छायांकन, नरेश खरेलको श्रृंगार, प्रदिप दाहाल र राजेश कुमारको सम्पादन रहेको छ ।

सुदुरपश्चिमको विभिन्न पर्यटकिय स्थानमा छायांकन गरिएको कुईनेटो मौलिक विषय वस्तु समावेश भएको प्रेम कथामा आधारित हाँस्य विधामा वनेको चलचित्र हो । स्थानिय चौधरी र अछामी भाषा र संस्कृतिलाई चलचित्रमा समेटिएको निर्देशक माधव राज खरेलले वताएका छन् । चलचित्रलाई छिट्टै सार्वजनिक प्रर्दशन गरिने जनाइएको छ ।