‘कृष्ण लिला’मा दिपिका आउट, श्रद्धा इन

लेन्सनेपाल २०७७ कार्तिक १९

चलचित्र ‘कृष्ण लिला’मा अभिनेत्री परिवर्तन गरिएको छ । यसअघि मुख्य अभिनेत्रीका लागि दीपिका प्रसाईलाई अनुबन्ध गरिएको भए पनि हालै उनको ठाँउमा श्रद्धा क्षेत्रीलाई अनुबन्धित गरिएको छ ।

निर्माण पक्षले स्वास्थ्यका कारण अभिनेत्री दीपिकाले अभिनय गर्न नसक्ने बताएकोले उक्त भुमिकामा श्रद्धालाई अनुबन्धित गरेको निर्माता रत्न श्रेष्ठले जानकारी दिए । पारिवारिक श्रोतलाई उल्लेख गर्दै निर्माता श्रेष्ठले दीपिका केही समययता थाइराट र माइग्रेसनको समस्याले पिडित रहेको जनाएका छन् । मुम्बईमा मोडलिङ गरिररहेकी श्रद्धाले अव चलचित्रमा अभिनेता पुष्प खड्कासँग रोमान्स गर्नेछिन् ।

चलचित्रमा श्रद्धाको अलवा पुष्प खड्का, बुद्धि तामाङ, रविन्द्र झालगायतका कलाकारको अभिनय रहनेछ । सञ्चारकर्मी तथा निर्देशक लक्ष्मण सुवेदीको कथा, पटकथा तथा संवाद रहेको चलचित्रको छायाँकन मंसिर १५ गतेबाट सुरु हुनेछ ।

दीपक ओलीले निर्देशन गर्न लागेको चलचित्रका प्रस्तुतकर्तामा रोहित कट्टेल हुन् । रत्न श्रेष्ठ निर्माता रहेको चलचित्रमा शिव ढकालको छायाँकन रहने छ ।