Modibeni
Numbari Sun

‘एक भगवत् गीता’को गीत ‘के तिमीलाई यो कुराको खबर छ’ सार्वजनिक

२०८० भाद्र २१
‘एक भगवत् गीता’को गीत ‘के तिमीलाई यो कुराको खबर छ’ सार्वजनिक

चलचित्र ‘एक भगवत् गीता’को ‘के तिमीलाई यो कुराको खबर छ’ बोलको गीत सार्वजनिक गरिएको छ । कृष्ण जन्माष्टमीको अवसर पारेर मैथली र नेपाली भाषाको समिश्रणमा तयार पारिएको गीत सार्वजनिक गरिएको हो ।

जनकपुरको सेटिङमा खिचिएको गीतमा सबिन एकतारेको शब्द र हर्कुलस बस्नेतको संगीत रहेको छ । गीतमा संगीतकार बस्नेत, रजज्ञा श्रेष्ठ र सुमन गुरुङको स्वर सुन्न सकिन्छ । अभिनेत्री सुहाना थापा र बालकलाकार जेभिस र जेभिन श्रेष्ठलाई फिचर्ड गरिएको गीतमा कविराज गहतराजको कोरियोग्राफी रहेको छ । राजेश श्रेष्ठले खिचेको गीतलाई मित्र डि गुरुङले सम्पादन गरेका हुन् ।

आगामी भाद्र २९ गतेबाट प्रदर्शनको तयारीमा रहेको चलचित्रलाई झरना थापाले निर्देशन गरेकी हुन् । चलचित्रमा विपिन कार्की, धिरज मगर, सुहाना थापा, कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको पनि अभिनय छ ।

सुनिल कुमार थापाको निर्माण रहेको चलचित्रमा राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर रहेको छ ।

Gharjwai