चलचित्र ‘के घर के डेरा’को ट्रेलर सार्वजनिक

लेन्सनेपाल २०७९ असोज १४

चलचित्र ‘के घर के डेरा’को ट्रेलर सार्वजनिक गरिएको छ । शुक्रवार काठमाडौंमा आयोजित एक कार्यक्रमका बीच सार्वजनिक गरिएको ट्रेलरमा काठमाडौंमा घर हुने र घर किन्न संघर्ष गर्ने पात्रहरुको कथालाई देखाइएको छ ।

दिपावलीको अवसर पारेर कात्तिक ४ गतेबाट प्रदर्शनमा आउन लागेको चलचित्र कमेडी जनराको हो । दिपेन्द्र के. खनालको निर्देशन रहेको चलचित्रमा दयाहाङ राई, विपिन कार्की, वर्षा राउत, सुरक्षा पन्त, अशान्त शर्मा, लक्ष्मी गिरी, भोलाराज सापकोटा लगायतका कलाकारहरुको अभिनय रहेको छ ।

चलचित्रमा शंकर थापा स्माइल, कोशिस क्षेत्रीको संगीत, दिर्घ गुरुङको छायांकन, दिर्घ खड्काको सम्पादन र सिंगे लामाको कथा रहेको छ । ए प्लस इन्टरटेनमेन्टको व्यानरमा निर्मित चलचित्रका कार्यकारी निर्माता युवराज कार्की हुन् भने निर्मातामा शरद श्रेष्ठ, राजीब श्रेष्ठ र किरण महर्जन छन् ।