‘कठपुतली’को प्रिमियर

लेन्सनेपाल २०७८ पौष १५

चलचित्र ‘कठपुतली’को प्रिमियर सम्पन्न भएको छ । बुधवार कमलपोखरीस्थित बिग मुभिजमा गरिएको प्रमियरमा चलचित्र क्षेत्रका बिभिन्न व्यक्तीहरुको उपस्थिति रहेको थियो ।

हरर जनरमा बनेको कठपुतली हेरेपछि प्रिमियरमा उपस्थित चलचित्रकर्मीहरुले सफलताको शुभकामना दिएका छन् । चलचित्रले पनि राम्रै प्रतिक्रिया पाएको छ । खासगरि चलचित्रको साउण्डको ज्यादा तारिफ भएको छ ।

भिमसेन लामाले निर्देशन गरेको चलचित्रमा गौरी मल्ल, मिथिला शर्मा, कर्मा, शिल्पा माष्के, उषा रजक, सुवर्ण थापा, ध्रुव कोइराला लगायतका कलाकारहरुको अभिनय रहेको छ । चलचित्रलाई पृथ्वी राना मगरले निर्माण गरेका हुन् । चलचित्रमा सम्पदा मल्लको लेखन रजोएल फ्रूमको छायाँकन रहेको छ ।

कार्यकारी निर्माता समेत रहेकी सम्पदाले चलचित्र हरर जनरामा निर्माण भए पनि मौलिक कथामा बनेको बताइन् । उनले चलचित्रले हाम्रै माटोको कथा भन्ने दाबी समेत गरेकी छिन ।

चलचित्रका सहनिर्मातामा विशाल गुरुङ, धर्म श्रेष्ठ र हेम थापा छन् ।