मंसिर २९ गतेबाट चलचित्र ‘जम्प’

लेन्सनेपाल २०८० कार्तिक १४

चलचित्र ‘जम्प’ मंसिर २९ बाट प्रदर्शन हुने भएको छ । आशुतोष ध्वज कार्कीको लेखन तथा निर्देशन रहेको चलचित्र साइकोलोजिक थ्रिलर जनरामा बनेको छ ।

चलचित्रमा सरोज श्रेष्ठ, सन्देश शाक्य, बिनिता थापा मगर, मन्जिल जिसी, सगुन तामाङ, रोशनी स्याङ्ग्बो, शंकर महर्जन र प्रवल कडेलको मुख्य भूमिका रहेको छ । बिदेशी फिल्म फेस्टिभलमा आफ्नो दरिलो उपस्थिति जनाई सकेको चलचित्रले नेपाली दर्शकलाई छुट्टै स्वाद दिने लेखक तथा निर्देशक आशुतोष ध्वज कार्कीले बताए ।

इशा खड्का कार्यकारी निर्माता रहेको चलचित्रमा आशुतोष ध्वज कार्की, प्रसन थापा, देबेश राजकर्णिकार, अंकित सिंह, एन्जेलिका खत्री, निरोज महर्जन, विपिन कपाली, अरिश राजकर्णिकार, सम्राट खनाल र सुरज कटुवाल निर्माण टिममा रहेका छन् ।