भाद्र १ बाट ‘जुलेबी’, चार महिलाको प्रेमकथा

लेन्सनेपाल २०८० आषाढ ३१

गणेश देव पाण्डेको निर्देशनमा निर्माण भएको चलचित्र ‘जुलेबी’को प्रदर्शन मिति घोषणा गरिएको छ । चार महिला पात्रको प्रेमकथामा आधारित रहेको चलचित्र भदौ १ गतेबाट प्रदर्शन हुनेछ ।

चलचित्रको मुख्य भूमिकामा सुरक्षा पन्त, निशा अधिकारी, उषा रजक र मोनिका थापा छन् । चलचित्रमा सुशील सिटौला, पुष्कर कार्की, तुफान थापालगायतको पनि अभिनय रहेको छ । एन्थोलोजी जनरामा निर्माण भएको ‘जुलेबी’ले तीन घटनालाई चित्रण गर्ने कार्यकारी निर्माता नवीन भट्टले जानकारी दिए ।

फोर क्युब इन्टरटेन्मेन्टको ब्यानरमा निर्माण भएको चलचित्रमा विवेक खड्काको छायांकन, अन्जय खड्काको सम्पादन, जाटवेद बनर्जीको संगीत र उत्तम न्यौपानेको साउण्ड डिजाइन छ । चलचित्रको निर्माता आभा शर्मा नेपाल हुन् ।