‘हेल्लो काँशीराम’को गीत ‘झ्यामकी मादल झ्याम’ सार्वजनिक

लेन्सनेपाल २०८२ बैशाख ११

चलचित्र ‘हेल्लो काँशीराम’को गीत ‘झ्यामकी मादल झ्याम’ सार्वजनिक गरिएको छ । सार्वजनिक गीतमा प्रताप दास र मेलिना राईको स्वर र नरेन्द्र वियोगीको संगीत संयोजन रहेको छ ।

कविराज गहतराजको कोरियोग्राफी रहेको गीतको भिडियो काठमाडौंस्थित बालमन्दिरमा सेट लगाएर छायांकन गरिएको हो । गीतको भिडियोमा प्रियंका कार्की, दिलीप रायमाझी, उमेश राई, सुमन खाँड, सरोज केसी लगायतले नृत्य गरेका छन् ।

रेडलाइन फिल्म्स प्रा.लि.को ब्यानरमा निर्माण भएको चलचित्रका रिम बिश्वकर्माको लेखन तथा निर्देशन रहेको छ । चलचित्रमा पी.बी. थापाको लगानी रहेको छ ।

दिलीप रायमाझी, सुरविर पण्डित, रामचन्द्र अधिकारी, शुशिल पोखरेल, उमेश राई, उमेश मायालुलगायतका कलाकारको अभिनय रहेको चलचित्रमा यम आलेको छायांकन र मित्र डी. गुरुङको सम्पादन रहेको छ ।