‘जन्ते बाख्रो’को गीत ‘अङ्गुरको झुप्पो’ सार्वजनिक

लेन्सनेपाल २०८२ बैशाख १२

चवलचित्र ‘जन्ते बाख्रो’को दोस्रो गीत ‘अङ्गुरको झुप्पो’ सार्वजनिक गरिएको छ । सार्वजनिक गीतमा महेश काफ्लेको शब्द तथा संगीत रमहेश र अस्मिता अधिकारीको स्वर रहेको छ । गीतको भिडियोमा कलाकार आशिफ शाह र गरिमा शर्मा फिचर्ड छन् । भिडियोमा आशिफले गीत मार्फत् गरिमाको तारिफ गरेर फकाउँदै गरेको देख्न सकिन्छ ।

सिमोस सुनुवारको निर्देशन रहेको चलचित्रमा सौगात मल्ल, रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतका कलाकारहरुको पनि अभिनय रहेको छ ।

मुईन इन्टरटेनमेन्टको प्रस्तुति रहेको चलचित्र सामाजिक कमेडी कथावस्तुमा निर्माण भएको हो । प्रदीप भारद्धाजको कथा, पटकथा र संवाद लेखन रहेको चलचित्रका निर्माता सन्तोष गौतम हुन् । नेपाली समाजमा बेहुली भित्र्याउने दिन जन्तीलाई खुवाइने भोजलाई जन्ते बाख्रो भन्ने गरिन्छ । चलचित्रकको कथावस्तु यसैको वरिपरि आधारित रहको छ ।

जेठ २३ गतेबाट नेपाल सहित विदेशमा एकसाथ रिलिज हुने चलचित्रमा हरि हुँमागाईको डिओपी, उत्तम हुँमागाईको सिनेमाटोग्राफी र सुनिल शिवभक्तिको सम्पादन रहेको छ ।