यस्तो बन्यो ‘जेरी २’ को थिम पोस्टर

लेन्सनेपाल २०७९ फागुन २

अभिनेता अनमोल केसी र आना शर्माको मुख्य भुमिका रहने चलचित्र ‘जेरी २’ को थिम पोस्टर सार्वजनिक गरिएको छ । सार्वजनिक पोस्टरमा एक युवालाई ब्याग बोक्दै लौरी टेकेर यात्रामा हिँडिरहेको देख्न सकिन्छ ।

हेमराज बिसीको निर्देशनमा निर्माण हुने चलचित्रमा पुर्णिका सिजापतीको पनि मुख्य भुमिका रहनेछ । ८ बर्ष अघि निर्माण भएको सुपरहिट ‘जेरी’को सिक्वेलको रुपमा यो चलचित्र निर्माण हुँदैछ । चलचित्रमा अभिनय गर्ने अन्य कलाकारको लागि निर्माण पक्षले दार्जिलिङ, सिक्किम र गान्तोकमा अडिसन समेत गरेको थियो ।

अनन्या फिल्मस् र नेपकम्स ग्लोबलको ब्यानरमा निर्माण हुने ‘जेरी अन टप’लाई सरोज न्यौपाने र रामकृष्ण श्रेष्ठले निर्माण गर्नेछन । चलचित्रको कथा, पटककथा तथा संवाद निर्देशक बिसी र विश्वास तिमसिनाले लेखेका हुन् ।

फागुन अन्तिम साताबाट फ्लोरमा जाने चलचित्रको छायांकन अस्ट्रेलिया, अमेरिका र सगरमाथा क्षेत्रलगायतका रमणीय स्थानमा गरिनेछ ।