चलचित्र ‘जय हो’को गीत सार्वजनिक

लेन्सनेपाल २०८० श्रावन १

चलचित्र ‘जय हो’को गीत सार्वजनिक गरिएको छ । सोमबार राजधानीमा आयोजित एक कार्यक्रमका बीच चलचित्रमा समाबेश ‘जोमसोमको डाँडैमा हिँउ खेल्न जाने की’ बोलको गीत सार्वजनिक गरिएको हो । सार्वजनिक गीतमा शम्भुजित बास्कोटाको शब्द तथा संगीत र सुरेश लामा र अस्मिता अधिकारीको स्वर रहेको छ ।

चलचित्रका मुख्य कलाकार अर्पण थापा, सलोन बस्नेत, केकी अधिकारी, निशा अधिकारी र माओत्से गुरुङ फिचर्ड भिडियोलाई कविराज गहतराजले कोरियोग्राफी गरेका हुन् । टेक पौरखी राईको निर्देशन निर्माण भएको चलचित्रमा प्रेम पाण्डे, दिपा शाक्य श्रेष्ठ, सुबि मगर, सुमिन गुरुङ, सुशान्त श्रेष्ठ लगायतका कलाकारको पनि अभिनय रहेको छ ।

शोभित बस्नेतकको प्रस्तुती रहेको चलचित्रमा सम्राट बस्नेतको द्धन्द्व, कविराज गहतराज र रामजी लमिछानेको कोरियोग्राफी, बनिश शाहको सम्पादन, सुरेश न्यौपानेको लेखन, सौरभ लामाको छायांकन र शम्भुजित बाँस्कोटा र सागर आले मगरको संगीत रहेको छ । रहेको छ ।

कमेडी, एक्सन र लभस्टोरीको समिश्रण रहेको चलचित्रका निर्माता राज के अधिकारी र सुरज सरकार हुन् । मुस्ताङ र कास्कीमा छायाँकन गरिएको चलचित्र भाद्र ८ गतेबाट प्रदर्शन हुने जनाइएको छ ।