जय भोलेलाई पनि मल्टिप्लेक्समा उच्च शो

लेन्सनेपाल २०७५ असोज २९

चलचित्र जय भोलेले पनि मल्टिप्लेक्स हलहरुमा उच्च शो पाएको छ । असोज ३० गते फुलपातिको दिन देखी प्रदर्शनमा आउने चलचित्रले क्युएफएक्स चेनमा २४ शो, बिग मुभिजमा ८ शो, एफक्युब सिनेमामा ७ शो, क्युज सिनेमामा ६ शो र बिएसआर मुभिजमा ६ शो पाएको छ ।

कमेडी जनराको चलचित्रमा खगेन्द्र लामिछाने, सौगात मल्ल, स्वस्तिमा खड्का, बुद्धी तामाङ्, सलोन बस्नेत, अशोक शर्मा, राजाराम पौडेल, बसुन्धरा भुसाल, लक्ष्मी गिरी, जयनन्द लामा, सुरबिर पण्डित, रामचन्द्र अधिकारीलगायतका कलाकारहरुको अभिनय रहेको छ ।

खगेन्द्र लामिछानेको लेखन रहेको चलचित्रलाई अशोक शर्माले निर्देशन गरेका हुन । चलचित्रमा बसन्त श्रेष्ठको कोरियोग्राफी, राजनराज सिवाकोटीको संगीत, वान नेपाल स्टन्ट टिमको द्वन्द, राजु ढुंगानाको सम्पादन र पुरुषोत्तम प्रधानको छायाङ्कन रहेको छ ।
निर्देशक शर्माका अनुसार देशभरका करिब १३० पर्दाबाट चलचित्र प्रदर्शनमा आउने छ ।