चलचित्र ‘जार’को ट्रेलर सार्वजनिक

लेन्सनेपाल २०८१ चैत्र २८

चलचित्र ‘जार’को ट्रेलर सार्वजनिक गरिएको छ । बिहीबार काठमाडौंमा आयोजित कार्यक्रमका बीच सार्वजनिक ट्रेलरले चलचित्रको कथा जार संस्कृतिमा आधारित रहेको खुलासा गरेको छ । भागेर अर्को बिहे गरेकी स्त्रीको दोस्रो पतिलाई पहिलो पतिले जार भन्ने प्रचलन छ ।

चलचित्र साहित्यकार इन्द्रबहादुर राईको ऐतिहासिक कथामा आधारित छ । आगामी बैशाख २६ गतेबाट प्रदर्शनको तयारीमा रहेको चलचित्र ४ वर्षअघि नै निर्माण भएको हो । चलचित्रको मुख्य भूमिकामा अनुप विक्रम शाही, सौगात मल्ल र गीताञ्जली थापाको अभिनय रहेको छ ।

फूर्वा छिरिङ लामाको निर्देशनमा तयार यो चलचित्रको सम्पूर्ण छायांकन सिक्किममा गरिएको छ । अधिकांश कलाकार र सम्पूर्ण प्राविधिक टिम भारतबाट नै छन् । होप रिल्स, एलए सेभेन सर्ट्स, बराल स्टुडियो र किवा प्रोडक्सनको सहकार्यमा निर्माण भएको यो चलचित्रको कार्यकारी निर्मातामा नीरज राई, नुर्साङ भुटिया, ज्योती क्षेत्री र पेमा रिन्जिङ लेप्चा छन् । सरवानन इलावार्सुको छायांकन रहेको चलचित्रमा अखिलेश राईको सम्पादन छ ।