‘ईन्टु मिन्टु लण्डनमा’को ओएसटि सार्वजनिक

लेन्सनेपाल २०७५ असोज ४

चलचित्र ‘ईन्टु मिन्टु लण्डनमा’को ओएसटि सार्वजनिक गरिएको छ । रिलिजको संघारमा चलचित्रको ओएसटि ‘आई एम इन्टु सि इज मिन्टु’ सार्वजनिक गरिएको हो ।

गीतमा साम्राज्ञी राज्यलक्ष्मी शाह तथा धिरज मगर फिचर्ड छन् । गीतको कोरियोग्राफी विक्रम लामा र एञ्जिला खत्रीले गरेका हुन । सुजिल कर्माचार्यको शब्द, संगीत रहेको गीतमा सुजिललाई श्रेया सोताङले पाश्र्व गायनमा साथ दिएकी छिन ।

गीतलार्इ आकर्षक बनाइएको छ । साल्सा डान्स शैलीकै गीतलाई लाईटसँग खेल्दै कोरियोग्राफरले थप आकर्षक बनाएका छन् ।

रेनाशा वान्तवा राईको निर्देशन रहेको चलचित्रमा सम्राज्ञी र धिरजका अलवा शारुक ताम्राकार, विजय लामा, अर्जुन श्रेष्ठ, दिल भुसण पाठक, रुबी राणा शाह, बिबेक लिम्बु, सुनिता ठाकुर श्रेष्ठ, सुनिसा बजगाई, राजेश बिसुराललगायतको अभिनय रहेको छ ।

प्रभु शम्शेर जबरा र प्रज्ज्वल शम्शेर जबराले निर्माण गरेको चलचित्रमा सुश्मिता जिरेल, सुलेखा राई र बसन्त तामाङ सहनिर्माता रहेका छन् । चलचित्रमामा शैलेन्द्रध्वज कार्कीको छायाँकन, रेनशा वान्तवा राई र प्रज्ज्वल शमशेर जबराको कथा रहेको छ ।