आप्रवासी नेपाली गीतकार संघ अमेरिकाको साधारण सभा फेब्रुअरी २ मा

लेन्सनेपाल २०८१ मंसिर ९

आप्रवासी नेपाली गीतकार संघ अमेरिकाको प्रथम साधारण सभा आगामी फेब्रुअरी २ का दिन ओहायो राज्यमा हुने भएको छ । आप्रवासी नेपाली गीतकार संघ, अमेरिकामा रहेका नेपाली गीतकारहरुको संस्था हो ।

नेपालीहरुले उक्त दिन बिद्याकी देबी सरस्वतीको पुजा गर्ने भएकोले सोही दिन संस्थाले आफ्नो वार्षिक सभा गर्दै आएको छ । संघका अध्यक्ष हरि उप्रेतीले कार्यक्रममा नेपाली साहित्यमा सक्रिय सबै साहित्यकारहरुको उपस्थितिको अपेक्षा गरेका छन् । कार्यक्रममा साहित्य सम्बन्धि बिबिध चर्चा–परिचर्चा सहित सांस्कृतिक एवं साहित्यिक कार्यक्रमहरु संचालन हुने जनाइएको छ । साथै केही नयाँ कृतिहरुको सोही कार्यक्रममा लोकार्पण पनि गरिने उप्रेतीले जनाएका छन् ।

ओहायो राज्यको रेनल्डसबर्ग शहरमा हुने उक्त सभाबाट संस्थाको भावि कार्ययोजना तय हुने बताइएको छ ।