‘आइसक्रिम’ले जित्यो दुई अन्तर्राष्ट्रिय अवार्ड

लेन्सनेपाल २०७७ कार्तिक २३

सर्ट मुभी ‘आइसक्रिम’ले अफ्रिका फिल्म फोर इम्प्याक्ट फेस्टिभल २०२० मा दुई बिधामा अवार्ड प्राप्त गरेको छ ।

संगीता श्रेष्ठ निर्देशित चलचित्रले बेस्ट चाइल्ड एक्टर र बेस्ट एडिटरको अवार्ड प्राप्त गरेको हो । नोभेम्बर ३ देखि ८ सम्म आयोजना भएको फेस्टिभलको पहिलो दिन नै यो चलचित्र स्क्रिनिङ भएको थियो ।

यो मुभी बेस्ट मुभी, बेस्ट डाइरेक्सन र बेस्ट स्क्रिनप्ले विधामा पनि मनोनयनमा परेको थियो । बाल यौन शोषणमाथि आधारित चलचित्रले सडकमा पैसा माग्दै हिँड्ने एक बालिकाको कथा बोल्छ । नौ मिनेट लामो चलचित्रमा योगिशा खत्रीले मूख्य भूमिका निभाएकी छन् ।