‘ह्यारी कि प्यारी’को ‘धरहरा’ सार्वजनिक

लेन्सनेपाल २०७९ पौष १४

चलचित्र ‘ह्यारी कि प्यारी’को पहिलो गीत ‘धरहरा’ सार्वजनिक गरिएको छ । बुधबार राजधानीमा आयोजित एक कार्यक्रमका बिच चलचित्रको गीत रिलिज गरिएको हो ।

सार्वजनिक गीतमा अभिनेत्री रेखा थापाले नृत्य गरेकी छन् । गीतमा डा. भोला रिजालको शब्द, शिखर सन्तोषको संगीत, सपन कुमार राई र मिना निरौलाको स्वर र कविराज गहतराजको कोरियोग्राफी रहेको छ । गीतमा अभिनेत्री थापासँगै अभिनेताद्धय जितु नेपाल र विजय बराल पनि फिचर्ड छन् ।

कार्यक्रममा बोल्दै अभिनेत्री रेखा थापाले लामो समय पछि गेष्ट रोलमा मै भएपनि पर्दामा फर्किन पाएकोमा खुशी व्यक्त गरिन् । पछिल्लो समय आफु अभिनयसँगै राजनितिमा पनि सक्रिय भएकाले चलचित्रमा फर्किन समय लागेको उनको भनाई छ ।

डा. कपिल रिजालको निर्देशन रहेको चलचित्र बिआर प्रोडक्सनकको प्रस्तुतीमा निर्माण भएको हो । चलचित्रमा जितु र विजयका अलवा साम्राज्ञी राज्यलक्ष्मी शाह, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको पनि अभिनय रहेको छ ।

चलचित्र माघ २० गतेबाट प्रदर्शन हुनेछ ।