‘ह्यारी कि प्यारी’को गीत ‘दम दम’ सार्वजनिक

लेन्सनेपाल २०७९ माघ १५

चलचित्र ‘ह्यारी कि प्यारी’को ‘दम दम’ बोलको गीत सार्वजनिक गरिएको छ । क्लब डान्स शैलीको गीतमा अभिनेत्री साम्राज्ञी आरएल शाह बोल्ड अवतारमा प्रस्तुत छिन् । उनलाई नृत्यमा आरए सुरज पौडेलले साथ दिएका छन् । सार्वजनिक गीतमा गीतमा युग भुषालको शब्द तथा संगीत, थोम्स एन्ड्रियूजको स्वर र कविराज गहतराजको कोरियोग्राफी रहेको छ ।

डा. कपिल रिजालको निर्देशन रहेको चलचित्र बिआर प्रोडक्सनकको प्रस्तुति ब्यानरमा बनेको हो । चलचित्रमा साम्राज्ञीसँगै जितु नेपाल, विजय बराल, लक्ष्मी गिरी, सुवास गजुरेल, नरेश पौडेल, रञ्जना भट्टराई, समिक्षा पौडेल, रमेश अधिकारी, डिल्लीराम खनालको अभिनय छ । चलचित्रमा रिजाल स्वयंमको कथा तथा निर्देशन, सुदीप बराल, गिरीराज घिमिरे, डा. रिजाल, अभिमन्यू निरवीको पटकथा र संवाद लेखन रहेको छ ।

माघ २० गतेबाट प्रदर्शनमा आउने चलचित्रको पोष्ट प्रोडक्सनको काम मुम्बईमा गरिएको हो ।