चलचित्र ‘हिटम्यान’को पोस्टर र टिजर रिलिज

लेन्सनेपाल २०८० मंसिर १७

चलचित्र ‘हिटम्यान’को मोशन पोस्टर र टिजर रिलिज गरिएको छ । आइतबार राजधानीमा आयोजित एक कार्यक्रमका बिच पोष्टर र टिजर रिलिज गरिएको हो । कार्यक्रममा चलचित्रलाई विश्वब्यापी रिलिज गर्ने उद्देश्य सहित निर्माण गरिएको निर्देशक बिष्णु अधिकारीले जनाएका छन् ।

इन्डो नेपाली चलचित्र भनिएको ‘हिटम्यान’ नेपालीसंगै हिन्दी, तिलुगु, तमिल, कन्नडा, मल्यालम, अरबी र चाईनिज गरी दश भाषामा रिलिज गरिने निर्देशक अधिकारीले जनाएका छन् । नेपालको काठमाडौं र पोखरा सँगै भारत, फ्रान्सको पेरिस र दुवइमा गरिएको चलचित्र फेब्रुअरीमा रिलिज गरिने जनाइएको छ ।

चलचित्रमा आँचल शर्मा, बिष्णु अधिकारी, प्रशान्त ताम्राकार र मिलन सिजापतिको मुख्य भूमिका रहेको छ । नाइन्टी नाइन सिनेमाज र इष्ट एण्ड वेस्ट इन्टरटेनमेन्टको ब्यानरमा निर्माण भएको चलचित्रका निर्माता दिपक अधिकरी र सहनिर्माता सन्नी लावती हुन् ।