‘हात्तीछाप’मा एकसाथ काम गर्दै दयाहाङ र सौगात

लेन्सनेपाल २०७९ पौष ४

चलचित्र ‘हात्तीछाप’मा अभिनेता दयाहाङ राई र सौगात मल्लले पुनः एकसाथ काम गर्ने भएका छन् । सिमोस सुनवार निर्देशन रहने चलचित्रमा दयाहाङ अनुबन्धित भएको तीन दिन पछि आइतबार सौगात पनि अनुबन्धित भएका छन् ।

चलचित्र ‘दुई नम्बरी’का निर्माता किरण नेपालीकै निर्माणमा चलचित्र बन्ने छ । उक्त चलचित्रमा पनि सौगात र दयाहाङले एकसाथ काम गरेका थिए । सौगात र निर्देशक सुनवारले यसअघि चलचित्र ‘झ्यानाकुटी’मा सहकार्य गरेका थिए ।

सामाजिक विषयबस्तुमा बन्ने चलचित्रको कथा प्रदीप भारद्वाजले लेखेका हुन् । आगामी चैत्रबाट छायांकनमा जाने चलचित्रका लाग अभिनेत्री र अन्य कलाकार छनोट हुन बाँकी नै छ ।