यार्सागुम्बा टिप्नेहरुको कथामा ‘हाम्रो स्वर्ग’ बन्ने

लेन्सनेपाल २०७८ फागुन ३०

यार्सागुम्बा टिप्ने मान्छेहरुको कथामा चलचित्र ‘हाम्रो स्वर्ग’ निर्माण हुने भएको छ । कर्णाली बासीको भाषा, भेषभुषा र रहनसहनलाई प्रस्तुत गरिने जनाइएको चलचित्रलाई शोभित बस्नेतले निर्देशन गर्नेछन् ।

चैत्र अन्तिम साताबाट छायाँकनमा जाने चलचित्रका लागि मुख्य कलाकारको खोजी भइरहेको निर्देशक बस्नेतले जनाएका छन् । चलचित्रका लागि दुई पुरुष र दुई महिला अभिनेत्रीको खोजी भइरहेको छ । चलचित्रको कर्णाली प्रदेशका दश वटै जिल्लामा छायाँकन गरिने जनाइएको छ ।

एनएसके मिडिया नेपालको ब्यानरमा निर्माण हुने चलचित्रमा शान्ता शर्माको लगानी रहनेछ । चलचित्रमा नवदत्त न्यौपानेको संगीत, रामकृष्ण बुड्थापाको कथा र रामजी राउतको सहायक निर्देशन रहनेछ ।