मनकामनामा ‘हामी तीन भाई’को स्कृप्ट पुजा

लेन्सनेपाल २०८० आषाढ २९

मधुसुदन भट्टराईको निर्देशन रहने चलचित्र ‘हामी तीन भाई’को स्कृप्ट पुजा गरिएको छ । साउन १० गतेबाट छायांकनमा जाने चलचित्रको गोर्खाको मनकामना मन्दिरमा स्कृप्ट पुजा गरिएको हो । यसअघि सन् २००४ मा प्रदर्शन भएको चलचित्र ‘हामी तीन भाई’लाई स्वर्गीय शिव रेग्मीले निर्देशन गरेका थिए ।

चलचित्रमा अभिनेता विनोद न्यौपाने, कुशल बिष्ट र अभिनेत्री जाहान्वी बस्नेतको मुख्य भुमिका रहनेछ भने दुई अभिनेत्री छनोट अझै बाँकी रहेको निर्माण पक्षले जनाएको छ । निर्देशक भट्टराईको कथा रहेको चलचित्रको पटकथा तथा संवाद शिवम् अधिकारीले लेखेका हुन् ।

प्रसिद्ध सिने आर्टस्को ब्यानरमा निर्माण हुने चलचित्रमा विनोद, कुशल र जाहान्वीका अलवा राजाराम पौडेल, रवीन्द्र झा, बिष्णु सापकोटा हर्के हवल्दार, दीपक बिडारी, फलित राई, तारा शर्मा, भुवन कुमार काफ्ले, नयन कला फुयाँल र पवन केसीको पनि अभिनय रहनेछ । साजित महत प्रस्तुतकर्ता रहेको चलचित्रका कार्यकारी निर्माता विक्रम तामाङ हुन् ।

त्रिरत्न श्रेष्ठ निर्माता रहेको चलचित्रका सहनिर्मातामा प्रतिमा थापा पोखरेल, भक्तलाल श्रेष्ठ, बिशेष सहयोगीमा शम्भु कुमार केसी र मनोज श्रेष्ठ रहेका छन् । चलचित्रमा शिव ढकालको छायांकन, कविराज गहतराजको कोरियोग्राफी, देव महर्जनको द्धन्द्व निर्देशन, एसबी सापकोटाको संगीत र बनिष शाहको सम्पादन रहने छ ।