तीन दिने फोटोग्राफी तथा भिडियोग्राफी कार्यशाला सुरु

लेन्सनेपाल २०७७ फागुन ६
तीन दिने फोटोग्राफी तथा भिडियोग्राफी कार्यशाला सुरु

चलचित्र पत्रकार संघ नेपालको आयोजनामा तीन दिने फोटोग्राफी तथा भिडियोग्राफी कार्यशाला सुरु भएको छ । कार्यशाला चलचित्र विकास बोर्डको सभा हलमा शुरु भएको हो ।

बिहिबार एक कार्यक्रमका बिच कार्यशाला शुरु गरिएको हो । उद्घाटन सत्रका अध्यक्ष दिनेश सिटौलाको अध्यक्षतामा सम्पन्न भएको छ । ४० चलचित्र पत्रकारहरु सहभागी रहेको कार्यशालामा फोटोग्राफी तथा भिडियोग्राफीका बिभिन्न बिधामा रहेर प्रशिक्षण दिइने जनाइएको छ । संघले बिषयगत रुपमा बिभिन्न प्रशिक्षकको ब्यबस्था समेत गरेको छ ।

कार्यक्रममा प्रमुख अतिथिको रुपमा चलचित्र विकास बोर्डका अध्यक्ष दयाराम दाहाल, विशिष्ठ अतिथिमा वरिष्ठ पत्रकार तथा सिनेमाकर्मी दिनेश डिसी र अतिथिमा कलाकार संघका अध्यक्ष रविन्द्र खड्का, नृत्यकार संघका अध्यक्ष जनक कार्की, द्धन्द्व निर्देशक संघका अध्यक्ष नारायण प्रधानलगायतको सहभागिता रहेको थियो ।

कार्यक्रमलाई सम्बोधन गर्दै बोर्ड अध्यक्ष दयाराम दाहालले फोटोग्राफी तथा भिडियोग्राफीलाई अनुसाशित भएर सिक्न र सिकेको ज्ञानलाई आगामी दिनमा व्यवहारमा उर्तान अनुरोध गरे । कार्यशालामा बोल्दै संघका अध्यक्ष दिनेश सिटौलाले फोटो तथा भिडियोग्राफी तालिम पश्चात समाचार लेखन तथा समीक्षा सम्बन्धि तालिम आयोजना गर्ने तयारी भइरहेको जनाएका छन् ।

कार्यशाला शनिबार सम्म जारी रहने छ ।